Campañas de dinamización do comercio en Ponteceso
Nesta páxina recollemos unha selección de imaxes das diferentes campañas realizadas en Ponteceso para apoiar e dinamizar o pequeno comercio local ao longo do ano.
As galerías mostran algúns dos momentos máis destacados de cada iniciativa: a participación da veciñanza, as actividades organizadas, os agasallos e o ambiente creado arredor do comercio de proximidade.
Un percorrido visual polas campañas que contribúen a impulsar a actividade comercial e a vida nas rúas do noso concello.
A maxia do Nadal chegou a Ponteceso!
Ao longo da campaña de Nadal, veciños e visitantes achegáronse ao pequeno comercio local para facer as súas compras nestas datas tan especiais.
Durante estas semanas, os establecementos enchéronse de ambiente festivo, agasallos e ilusión, apoiando unha vez máis o comercio de proximidade e dinamizando a vida nas rúas de Ponteceso.
Nesta galería recollemos algúns dos momentos máis especiais da campaña: compras, decoracións de Nadal, encontros e a participación da veciñanza nunha iniciativa pensada para celebrar estas festas apoiando o comercio local.
ano 2025
As Fadas de Pondal enchéronnos de maxia nesta primavera!
Ao longo da campaña, veciños e visitantes completaron os seus pasaportes mercando no pequeno comercio local e recollendo selos en seis establecementos diferentes.
Na Caseta de Información Turística puideron cambiar o pasaporte por unha bolsa ou unha lámina facsimilar das Fadas de Pondal ilustradas por Leandro Lamas, e conseguir así tamén unha participación no gran sorteo final de xuño.
Nesta galería recollemos algúns dos momentos máis especiais da campaña: compras, selos, agasallos e a ilusión da veciñanza apoiando o comercio de proximidade.